Нацыянальнай стратэгіяй па абыходжанні з цвёрдымі камунальнымі адходамі (ТКА) і другаснымі матэрыяльнымі рэсурсамі ў Беларусі на перыяд да 2035 года пастаўлена задача ўдасканалення сістэмы, павелічэння ўзроўню перапрацоўкі і выкарыстання адходаў. Мэтавыя паказчыкі і мерапрыемствы ў гэтай сферы вызначаны ў дзяржпраграме “Камфортнае жыллё і спрыяльнае асяроддзе” на 2021-2025 гады.
Адмысловая ўвага надаецца мінімізацыі выкарыстання пластыкавага пакавання. Так, з 2020 года рэалізуецца план мерапрыемстваў, накіраваных на паэтапнае зніжэнне выкарыстання палімернай упакоўкі з яе замяшчэннем на экалагічна бяспечную.
Аб дзяржпалітыцы ў галіне абыходжання з адходамі, рабоце па мінімізацыі выкарыстання пластыкавай упакоўкі раскажуць удзельнікі прэс-канферэнцыі.
Міністэрства прыродных рэсурсаў і аховы навакольнага асяроддзя на дадзеным мерапрыемстве прадставіць Максім ТАРАСАЎ, намеснік начальніка галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці – начальнік упраўлення рэгулявання абыходжання з адходамі.
У прэс-канферэнцыі таксама прымуць удзел прадстаўнікі Беларускага рэспубліканскага саюза спажывецкіх таварыстваў, ДУ “Аператар другасных матэрыяльных рэсурсаў”, ДНУ “Інстытут жыллёва-камунальнай гаспадаркі Нацыянальнай акадэміі навук Беларусі”.
Мерапрыемства пройдзе па адрасе: г. Мінск, вул. Энгельса, 30-303. Акрэдытацыя СМІ абавязковая.
