У ходзе перагавораў былі абмеркаваны вынікі праведзенай з 30 лістапада па 13 снежня 2023 г. у горадзе Дубаі, ААЭ, 28-й Канферэнцыі Бакоў Рамачнай канвенцыі ААН аб змяненні клімату (САР28). Удзельнікі перагавораў згадзіліся, што вынікі САР28 павінны стаць асновай для развіцця супрацоўніцтва. у прыродаахоўнай і кліматычнай сферах.
Андрэй Худык высока ацаніў узровень арганізацыі і правядзення мерапрыемства дзяржавай – старшынёй САР28, а таксама адзначыў узровень яе ўдзельнікаў. Так, беларускую дэлегацыю ўзначаліў Прэзідэнт Рэспублікі Беларусь Аляксандр Лукашэнка, выступленне якога з такой важнай трыбуны прадэманстравала актыўную пазіцыю нашай краіны ў міжнародным кліматычным працэсе.
У цэлым бакі адзначылі высокі ўзровень узаемаадносін, які існуе паміж дзвюма краінамі па ўсіх напрамках. Асабліва было падкрэслена, што дзякуючы цёплым і даверным адносінам паміж кіраўнікамі дзяржаў, якія склаліся, стала магчымым паставіць перад урадамі абедзвюх краін амбіцыйныя планы і задачы па паглыбленню і пашырэнню супрацоўніцтва па ўсіх сферах.
Таксама субяседнікі дамовіліся абмяняцца прапановамі па актуальных напрамках супрацоўніцтва ў рамках рэалізацыі Мемарандума аб узаемаразуменні, падпісанага ў 2020 годзе. У прыватнасці, на думку Пасла перспектыўнымі тэмамі з’яўляюцца апустыньванне, лесаразвядзенне і лесааднаўленне.
На сустрэчы дыпламат праінфармаваў кіраўніка беларускага прыродаахоўнага ведамства аб назначэнні новага Міністра па пытаннях змянення клімату і навакольнага асяроддзя ААЭ. У мэтах паглыблення супрацоўніцтва беларускі бок у бліжэйшы час накіруе запрашэнне на адрас доктара Амны бінт Абдулы аль-Дахак аль-Шамсі наведаць Рэспубліку Беларусь.
