У мэтах фарміравання экалагічнай культуры і выхавання беражлівых адносін да прыроды ў маладога пакалення грамадзян Міністэрствам прыродных рэсурсаў і аховы навакольнага асяроддзя сумесна з яго тэрытарыяльнымі органамі на штогадовай аснове праводзіцца рэспубліканскі конкурс на лепшы дзіцячы малюнак на экалагічную тэматыку.
Да ўдзелу ў мерапрыемстве запрашаюцца выхаванцы ўстаноў дашкольнай адукацыі, навучэнцы ўстаноў агульнай сярэдняй адукацыі і дадатковай адукацыі дзяцей і моладзі ў дзвюх узроставых групах: ад 3 да 5 гадоў і ад 6 да 10 гадоў.
На конкурс дапускаюцца работы, выкананыя на працягу 2024 года ў любой тэхніцы, уключаючы аплікацыю, якія адлюстроўваюць беражлівыя адносіны да прыроды, захаванне біялагічнай і ландшафтнай разнастайнасці, ахову навакольнага асяроддзя і ўстойлівае выкарыстанне прыродных рэсурсаў. Работы прадстаўляюцца ў каляровым варыянце на лістах фарматам ад А4 да А1.
Кожная праца суправаджаецца інфармацыйным лістом удзельніка конкурсу з указаннем наймення ўстановы адукацыі, прозвішча, уласнага імя і ўзросту аўтара, паштовага адраса і кантактнага тэлефона.
Асобам, якія вырашылі прыняць удзел у конкурсе неабходна да 1 лютага бягучага года накіраваць свае работы ў раённыя, гарадскія, гарадскія і раённыя інспекцыі прыродных рэсурсаў і аховы навакольнага асяроддзя і Мінскі гарадскі камітэт прыродных рэсурсаў і аховы навакольнага асяроддзя з паметкай «На рэспубліканскі конкурс на лепшы дзіцячы малюнак на экалагічную тэматыку».
Вынікі будуць падведзены ў тэрмін з 1 лютага да 1 мая ў 3 этапы:
- з 1 лютага да 1 сакавіка - вызначэнне лепшых работ на раённым і гарадскім узроўнях;
- з 2 сакавіка да 1 красавіка - выбары пераможцаў на абласным этапе;
- з 2 красавіка да 1 мая - вызначэнне лепшых работ на рэспубліканскім узроўні.
Больш падрабязна азнаёміцца з парадкам правядзення ўказанага конкурсу можна ў адпаведнай Інструкцыі, зацверджанай пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 9 ліпеня 2010 г. № 32.
