Супрацоўнікі Цэнтра прынялі ўдзел у форуме «Моладзь. Прырода справы» – пляцоўцы, якая аб’яднала маладых спецыялістаў сістэмы Мінпрыроды для зносін, абмену ідэямі і адкрытага дыялогу з кіраўніцтвам.
У межах форуму ўдзельнікі наведалі Белгідрамет, дзе пазнаёміліся з работай установы і прынялі ўдзел у пазнавальнай экскурсіі. На тэрыторыі Белгідрамета таксама заклалі «Алею адзінства», зрабіўшы свой унёсак у стварэнне новай зялёнай прасторы.
Адной з ключавых падзей стала сустрэча ў фармаце «101 пытанне кіраўніку». Моладзь змагла непасрэдна задаць пытанні першаму намесніку Міністра прыродных рэсурсаў і аховы навакольнага асяроддзя Аляксею Стасюкевічу і старшыні Беларускага прафесійнага саюза работнікаў лесу і прыродакарыстання Юрыю Шумскаму.
Завяршылася праграма паездкай у гісторыка-культурны комплекс «Лінія Сталіна».
Форум стаў магчымасцю не толькі даведацца больш пра работу сістэмы Мінпрыроды, але і пагутарыць з калегамі, абмяняцца вопытам і абмеркаваць ідэі, якія могуць атрымаць працяг у будучыні.
