У цэнтры адбылося чарговае пасяджэнне камісіі па супрацьдзеянні карупцыі. Адкрываючы пасяджэнне, дырэктар Цэнтра Таццяна Дубік падкрэсліла, што процідзеянне карупцыі застаецца адным з важных напрамкаў дзяржаўнай палітыкі і з’яўляецца неад’емнай умовай устойлівага развіцця краіны.
Падчас пасяджэння ўдзельнікі разгледзелі пытанні:
- ажыццяўлення кантролю за закупкамі тавараў (работ, паслуг) за кошт уласных сродкаў;
- аналіз правядзення адміністрацыйных працэдур у дачыненні да суб'ектаў гаспадарання;
- маніторынгу выкарыстання службовага і спецыяльнага аўтатранспарту;
- папярэджання карупцыйных рызыкаў пры выкарыстанні дзяржаўнай маёмасці.
Па выніках пасяджэння адзначана, што эфектыўная прафілактыка карупцыі немагчымая без адкрытасці, выканання заканадаўства і асабістай адказнасці кожнага. Камісія цэнтра працягне сістэмную працу па папярэджанні карупцыйных рызыкаў і фарміраванні атмасферы нецярпімасці да любых праяваў карупцыі.
