На адзіным дні інфармавання па тэме «Трэнды і новыя напрамкі развіцця турызму ў Беларусі» Анастасія Каўрус, начальнік аддзела па развіцці турызму ДУ «Інфармацыйна-турыстычны цэнтр “Мінск”», расказала пра ключавыя напрамкі, якія вызначаюць развіццё турыстычнай галіны.
- Турызм як драйвер эканомікі. Развіццё турызму спрыяе эканамічнаму росту, падтрымлівае сумежныя галіны, дапамагае захоўваць гістарычную спадчыну, прыродныя і культурныя каштоўнасці. У 2026–2030 гадах уклад турызму ў эканоміку Беларусі плануецца павялічыць як мінімум удвая — да 4,5%.
- Новыя запыты турыстаў. Сёння падарожнікі выбіраюць не толькі стандартныя экскурсіі, але і якасны сэрвіс, эмоцыі, уражанні і незвычайныя маршруты. Усё больш запатрабаванымі становяцца самабытныя турыстычныя прадукты, якія дазваляюць убачыць Беларусь па-новаму.
- Аграэкатурызм. Захоўваецца высокі попыт на загарадны адпачынак і знаёмства з аўтэнтычнай Беларуссю. У 2025 годзе аграэкасядзібы наведалі больш за 470 тыс. турыстаў, з якіх каля 95% — беларусы.
- Гісторыка-культурны і рэлігійны турызм. Унікальная архітэктурная і гістарычная спадчына Беларусі застаецца важным напрамкам развіцця турызму. Сярод знакавых аб’ектаў — Мірскі і Нясвіжскі замкі, Брэсцкая крэпасць, Белавежская пушча, а таксама храмы і духоўныя цэнтры краіны.
- Падзейны, прамысловы і актыўны турызм. Расце цікавасць да фестываляў, рэгіянальных святаў, прамысловых экскурсій і актыўнага адпачынку. Для наведвання адкрыты больш за 130 прадпрыемстваў, а такія аб’екты, як «Сілічы» і «Раўбічы», спрыяюць развіццю актыўнага турызму.
- Лячэбна-аздараўленчы і медыцынскі турызм. Санаторна-курортнае лячэнне застаецца адным з вядучых напрамкаў унутранага турызму. Медыцынскі турызм таксама дэманструе рост: у 2025 годзе Беларусь з мэтай лячэння наведалі больш за 176 тыс. замежных грамадзян са 160 краін свету.
Анастасія Каўрус адзначыла:
Турызм у Беларусі становіцца ўсё больш разнастайным, сучасным і даступным. Важнымі задачамі галіны застаюцца павышэнне якасці сэрвісу, лічбавізацыя і стварэнне новых турыстычных прадуктаў, якія раскрываюць патэнцыял рэгіёнаў.
