27 лютага Цэнтр стаў пляцоўкай моладзевых экалагічных ініцыятыў.
У арганізацыі круглага стала прынялі ўдзел прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь, Мінскага гарадскога камітэта прыродных рэсурсаў і аховы навакольнага асяроддзя, Рэспубліканскага цэнтра дзяржаўнай экалагічнай экспертызы, падрыхтоўкі, павышэння кваліфікацыі і перападрыхтоўкі кадраў Мінпрыроды, Бел НДЦ «Экалогія».
У межах сустрэчы былі прэзентаваны дапрацаваныя пасля «Мінскай змены» праекты: «Экапрасвет-бот» (УА «Беларускі дзяржаўны ўніверсітэт інфарматыкі і радыёэлектронікі»), «Экатрэкер» (УА «Беларускі дзяржаўны ўніверсітэт інфарматыкі і радыёэлектронікі», філіял «Мінскі радыётэхнічны каледж»), «ПроЛенінскі» (ААТ «Планар»), «Зялёны пашпарт» (УА «Беларускі дзяржаўны эканамічны ўніверсітэт»).
Удзельнікі абмеркавалі моцныя і слабыя бакі кожнага праекта і ў жывым, канструктыўным дыялогу шукалі шляхі вырашэння праблемных пытанняў. Сустрэча прайшла ў атмасферы ўключанасці і ўзаемнай зацікаўленасці: ідэі дапаўняліся, а прапановы знаходзілі падтрымку. Вынікам стала рашэнне аб аб’яднанні прадстаўленых ініцыятыў у адзін маштабны праект для далейшай рэалізацыі.
