На базе Цэнтра адбыліся раённыя тэарэтычна-практычныя вучэнні на тэму лакалізацыі і ліквідацыі ачага сібірскай язвы.
Адкрыла мерапрыемства ўрач-эпідэміёлаг, загадчык супрацьэпідэмічнага аддзялення Цэнтра гігіены і эпідэміялогіі Партызанскага раёна г. Мінска Анастасія Кароль, якая акрэсліла ключавыя задачы вучэнняў і падкрэсліла важнасць зладжанай працы ўсіх службаў. З дакладам выступіў урач-эпідэміёлаг Уладзіслаў Савко, які расказаў пра арганізацыю медыцынскай дапамогі і правядзенне санітарна-супрацьэпідэмічных мерапрыемстваў пры выяўленні захворвання.
Практычная частка вучэнняў была адпрацавана на прыкладзе гасцініцы Цэнтра «ЭкаДом», дзе мадэлявалася сітуацыя выяўлення захворвання. Пры ўдзеле супрацоўнікаў Цэнтра былі падрыхтаваны і зняты навучальныя відэаматэрыялы, якія дэманструюць парадак дзеянняў у падобных выпадках. У ходзе вучэнняў удзельнікі адпрацавалі практычныя навыкі па лакалізацыі ачага інфекцыі і ўзаемадзеянні службаў.
Вынікі падвяла ўрач-эпідэміёлаг Вольга Уткіна, адзначыўшы высокі ўзровень падрыхтоўкі ўдзельнікаў. Напрыканцы ўдзельнікі задалі пытанні, якія іх цікавілі, і абмеркавалі практычныя аспекты работы.
